snörl, snörl

Það snörlar í mér í dag en ekki eins mikið og í gær og enn minna en í fyrradag. Ég er alveg að verða búin með að vera veik. Enda nóg komið, búin að liggja fyrir síðan á þriðjudagskvöld. Þannig að fínu graskerin okkar eru enn óútskorin en ég held, svei mér þá, að ég hafi séð glotti bregða fyrir á þeim þrátt fyrir það.
Sjáum til hvort við náum útskurði á morgun, þ.e.a.s. ef eiginmaðurinn verður ekki of þunnur. Hann er nefnilega á árshátíð með vinnunni í kvöld en ég sit heima með auman háls, hor í nös og hellu fyrir eyrunum.
En það er allt í lagi, ég ætla að njóta þess líka. Alltaf gott að vera einn heima af og til.